He waka hourua kei ngā wai o Tāmaki mō tēnei rā whakanui

I ā te tokomaha o Tāmaki Makaurau e tūtū haere ana ki ngā rārangi kei ngā ahurei maha i te rā nei, tērā tētahi ope Māori e whakatere waka hourua ana.

I raro i te ārahitanga o Hoturoa Barclay-Kerr, e whai ana āna tamariki a Turanga rāua ko Noenoe i ōna tapuwae.

Kei ngā tau rua tekau a Turanga, ā, tata ki te haurua o tana oranga ia e tere waka ana.

Kua tere ia ki Hawai'i me te nuinga o te Moana nui a Kiwa, engari ahakoa te whakaaetanga o tana matua kia ārahi ia i tētahi haerenga waka, ko ngā mahi o te hāpaiō kē tana hiahia.

I whānau mai te teina a Noenoe ki te ao o te tere waka, ā, e ai ki a ia he taumaha ngā rautaki whakaako o tōna matua.

"Pukuriri noa iho i ngā wā ka kore koe e whakarongo ki ngā tohutohu tika, engari au atu i tēnā he pai noa tōna haere."

E ahei ana te marea ki te whai wheako tere waka hourua, ka tū ki te wahapū o Tāmaki ia wīkena.