He wero whakaohooho te whakataetae tuatahi a ngā Ōpango ki a Ingarangi

Nō ngā Ōpango te māringanui i turaki ai a Ingārangi i te Taiwhanga o Eden me tēnei o ngā pironga a Conrad Smith i te mēneti whitu tekau mā waru.  

I taurite ngā tatau he tekau mā rima ki te tekau mā rima, ā, he whā meneti e toe ana kātahi a Aaron Cruden ka whakatenatena i te kapa me tana kore whai i te whana tuanuku, ka whāia kē ko te piro.    

I tautokotia ia e ngā kaiako Ōpango, he tā rātou kei te kaitākaro tonu te tikanga, ā, māna tonu e whakatinana. E hia kē nei ngā hapa nui i kitea nā te hunga kaitākaro matatau.

He tukinga wehiwehi mā ngā kapa e rua, he āhuatanga i whakararu i te anga whakamua a te kapa Ōpango. 

He mīharo te aurakitanga mai o Jerome Kaino ki te kapa, hāunga rā te tamōnga o Kieran Read. Nā Kaino te tū tōtara i kitea ai.

Ināianei ka tahuri atu te titiro a ngā Ōpango ki te tukinga ka tū ki Ōtepoti a tērā wiki, ā, ka mutu me whakaheke tōhau a Aotearoa me te mōhio, he toki anō ka tohua ki te kapa o Ingārangi.