He whakatika kia haere ki Urupū te mahi a tētahi kapa hura Māori

Hei whakarei i te huinga whakanui i te rā o Waitangi ki te Urupū o Ahitereiria, he tira kanikani nō Rāhui Pōkeka kei te whakatika ake ki te tautoko i te kaupapa. Ka waiho mai ko ngā mahi hakahaka ki te kāinga. Hei tā Kirimāku Kihi, te kaiako o Na Keikei o Ka' Aina, ko te hurahura kē te kanikani ka kawea ake ki reira.

Ko ngā kōhine kaihura e whakatikatika ana mō tā rātou tūnga tuatahi ki ngā whakanui Waitangi ki te Te Urupū, hei ngā rā okioki nei.

Nā te rōpū whakahaere hou na Te Haupai Māori and Pacific Island Assoc, te īnoi i tuku, i tapainatia ai taua poari mō Te Haupai, te tūngane o Kirimaaku, i mate i ngā tau ki muri.

Hei tā Kirimaku Kihi, "Nā runga i te aroha mō te ingoa o te rōpū, taku tungane tērā, i whakaae mātou kia haere, engari, nā wai rā, nā wai rā, kāre te rōpū kapa i reri ki te haere, katahi ka whakaaro ahau, me haere tonu, ka kawea ēnei o ngā mokopuna."

Hei tā Mervin Enoka o Te Haupai Maori and Pacifica Island Association Inc, "Ko te tuitui i ngā miro katoa i raro i te maru, ahakoa, ko te kaupapa ko te Tiriti o Waitangi, te nui hoki o ngā iwi katoa, e noho mai nei i te wā kainga i Aotearoa, kua whaka-Aotearoa rātou katoa."

Nā te tuahine o Kīngi Tuheitia, na Tōmairangi Paki tē rōpū hura nei i tīmata, i ngā toru tekau tau neke atu ki muri, ā, ko ngā tamāhine o Kirimaaku ngā kaihura.  Ināianei, kua heke iho ki ngā mokopuna. 

Āpōpō rere atu ai te tira hura ki te uru o Ahitereiria.