He whakautu te hiahia a ngā whānau o te Kōhanga

E whakapaetia ana he mahi huna tā te poari o te tarahiti o Te Kōhanga Reo.  Ko te kimi whakamārama te take i takahi atu ai te tata ki te toru rau tāngata, pakeke mai, tamariki hoki, i ngā tiriti i te Whanganui a Tara. 

I ngā wiki kua pahure nei, i puta ngā pātai a ngā kōhanga reo i roto i a Mataatua Waka me Tauranga Moana mō te hekenga o Titoki Black i tana tūranga tumu whakarae o te Kōhanga Reo.

Ā, i kawea ā-tinana atu ērā pātai ki ngā tari o te poari i te rā nei.