He whare tūmanako i Te Tairāwhiti

Jessica Tyson

He pokapū pakihi hōu ki Te Tairāwhiti e whai ana i tētahi ara auaha hei whakamana i tō rātau hapori. 

E whitu ngā pakihi Māori i raro i te pokapū o Tāiki E, i whakatuwheratia e toru wiki ki muri nei. Ko ngā hoa rangatira, ko Cain Kerehoma rāua ko Renay Charteris ngā kaiwhakahaere o ngā pakihi e rua.

“Ara, he whare hei whakakotahi iwi, hei whakakotahi tangata i roto i tō mātou hapori,” tā Kerehoma

Ko Kiko Innovation me Kia Ora Consulting, nā Cain rāua ko Renay i whakatū hei tautoko i ngā iwi taketake o te ao. Katoa ngā pakihi i konei me hāngai ki te paearu o te awhi i te hapori. Ko ētahi atu o ngā pakihi, ko Toha, Gizzy Local, ko Riposte.

E ai ki a Kerehoma, "he mahi whakaora taiao, whakaora whānau ērā momo āhuatanga. He whare tēnei hei whakaputa(ina) i ērā akoranga ki te hapori whānui. He mea hei tuakana teina."

Ko tētahi o a rātou pia, he manukura rangatahi tekau mā iwa tau te pakeke, ko Alice Kibble, inā noa nei ia ka aru tūranga kaikaunihera. Ia wiki, ka toro atu ki Tāiki ki te whakarite i ngā kaupapa ā hapori. 

“I come here to connect with the awesome networks that these guys are connected with and make action on the programs I'm working on with rangatahi in Tairāwhiti," e ai ki tāna.

“It's really given me confidence in myself to go on this journey. It's always quite nerve-racking going out there as a young person and trying to make a change. But it's given me the people behind me to make the change.”

Tata ki te whā tekau ōrau o te taupori ki Tūranga kei raro i te rua tekau mā whitu tau te pakeke. Ka whai reo rātou i a Alice i tana tūranga hōu hei kaitakawaenga rangatahi mā Te Kaitikai Take Kōwhiri, hei whakakipakipa i te rangatahi ki te pōti.

“My goal personally is to see the youth of Gisborne empowered and I'd really like to represent them in the Gisborne District Council but I think with my impact residency it'd be awesome to create a youth hub and that's what we're ultimately working towards.”

Ahakoa ngā mātātaki kei tēnei taone, e tūmanako ana a Cain, he oranga mauroa ka hua ake i a Tāiki E. 

"Ko tētahi whakaaro nui ki roto i te whare nei, he aha tō mātou ōhākī ki ngā mokopuna e heke mai. He aha ngā taonga e waihotia ana e tātou mō rātou. Koira ngā pātai nui.