Hei āpōpō tīmata ai te whakataetae pā whutupōro ā motu

Rahia Timutimu

Hei apōpō tīmata ai te whakataetae pā whutupōro ā-motu ki Papakura, i te tonga o Tāmaki, ā, ko te matapae, ko tōna kotahi mano kai-tākaro nō ngā hau e whā o te motu ka whakarauika atu.

Koinei te wā tuatahi ka whakakotahi ai ngā reanga pakeke, nga ika ā whiro, rangatahi hoki ki te whakataetae ā-motu kotahi.

I kōrero a Te Kāea ki tētahi o ngā kaiako o Manukau Whānui, ki a Luke Watene mō te ara kei mua i ngā kapa hau kāinga i tēnei tau.

Ko Lance Watene te perehitini mo te karapu o Tāmaki ki te Tonga, ā, e whakahīhī tonu ana ia i ta ratou wikitōria i tera tau

Koia pū tētahi o ngā whakataetae a motu nunui rawa, koia ko te wā tuatahi ka kite ai i ngā reanga e toru ki te whakataetae kotahi. Hei āpōpō tonu kitea ai te hunga pakeke, nga ika ā whiro me te hunga rangatahi.

He huarahi anō tēnei mā te hunga kaitakaro ki te whai tūranga ki ngā kapa o Aotearoa.  Hēoi kotahi noa te aronga a Lance i tenei wā, ā, ko ngā tukinga nui kei mua i te aroaro hei ēnei rangi okioki.

Hei te pō nei ka pōhiri atu ngā kapa whakataetae katoa, i mua i tā rātou ekenga ki te mura o te ahi. Ka haere te whakataetae nei tae noa ki te Rātapu.