E ai ki te Koromatua o mua o Carterton, a Ron Mark, ka noho manakore tōna iwi o Ngāti Kahungunui i raro i te mahere hou mo te Supercity o Te Whanganui a Tara.
Nā te Komihana Kawanatanga ā rohe te tūtohutanga kia whakarōpū ai ngā kaunihera o te rohe ki raro i te maru kotahi, engari e ai Mark ka riro te mana o ngā iwi.
Ia rā, ia rā kua ihuoneone ia ki te whare miere, engari kei te Wairarapa tonu ōna whakaaro.
E ai ki ngā tūtohutanga a te Komihana Kawanatanga ā rohe, me whakakore te kaunihera o te Wairarapa, ā me noho ngā māngai tokorua mā rātou ki tētahi kaunihera hou mo te rohe whānui o Te Whanganui a Tara.
E ai ki a Mark, ka noho manakore te Māori i ēnei nekenekehanga.
E mahi ana a Liz Kelly, te koromatua tuarua o mua o Porirua ki te pū o tetahi o ngā wāhi rawakore o Te Whanganui a Tara, ā e whakaihi ana ia ki te utu kotahi rau waru tekau mā whā miriona mo te mahere Supercity.
Ā, ka piki pea te utu mehemea ka whakatū tētahi pōti motuhake mō te take nei. Engari e ai Mark, ka noho manakore anō te tokoiti.
Hei te tuarua o Poutūterangi kati ai ngā tono mo te hapori whānui.
