Hei te rā nei puta te rīpoata o te awa o Rangitaiki

Kua oti i te rōpū arotake i ngā whakahaere mō te awa o Rangitāiki te rīpoata e pā ana ki te whatinga o te pātū i te Patutātahi i te marama o Paengawhāwhā.  

Ko te waipuketanga o te tāone, me te turakitanga o ngā whare huhua, te otinga atu. Ka puta i te heamana o te rōpū, i a Tā Michael Cullen ngā hua o te rīpoata hei te ahiahi nei ki Whakatāne. 

Nō tērā marama tonu i kuhu atu ai ētahi whānau ki roto i ō rātau whare i whakahoutia. Arā ia te tūmanako, hei te wā o te Kirihimete waihape atu anō ai ngā whānau katoa ki ō rātau whare noho pūmau ai.