Mō te nuinga, ehara te tō i te taraka tekau mā rua tana te nui i te āhuatanga harikoa, engari mō te uri o Ngāti Pāhauwera, mō Rongo Keene, koinei tōna ao katoa.
Nō te rā nei rere atu ai a Keene ki te tātāwhāinga Strongman whakaharahara o Singapore ki te whakakanohi i a Aotearoa. Ā, kei te pīkau i ōna taera Māori katoa e eke atu a ia ki te taumata.
Me te mea nei kua arahina a ia e tētahi o ngā nihoroa o te ao strongman i Aotearoa e Carl Waitoa.
Kei te piri āna kāri ki te poho kei kitea mai e ōna hoa whakataetae ki rāwāhi.
Me pēnei pea te kī - ka puta te ngeru i te pōtae i te tīmatanga mai o te tātāwhāinga Strongman o Singapore hei te Rāmere.
