Hoki atu ngā 'Cousins' ki te ūkaipō

Ropata Matthews

Kua whakahokia ngā 'Cousins' i tō rātou kiriata ki te marae o Whakapara ki roto o Ngāti Hau, Ngāpuhi.

Ko Briar Grace-Smith rāua ko Ainsley Gardiner ngā ringatohu takirua o te kiriata hōu ‘Cousins’ e pā ana ki ētahi whanaunga i tipu Māori mai, tōmuri mai ka whakawehea rātau e ngā tu āhuatanga o te āo Pākehā.

Ko te whakaaturanga tuatahi tēnei o te kiriata i tū ki te marae o Briar Grace Smith ki te Tai Tokerau.

Nā Patricia Grace te pukapuka 'Cousins' i tuhi, ā nā Merata Mita i whakawhanake hei tuhinga kiriata.

Ko Tanea Heke, uri nō Ngāpuhi te kiripuaki matua o te kiriata. Ko tāna, ahakoa kua wheturangitia te kaiwhakaari rongonui a Nancy Brunning, ko ia ‘Tētahi whakaawenga nui ki tēnei kiriata’

Ko Ethan Anderson uri o Ngāti Hau hoki tētahi o ngā kiripuaki o te kiriata 'Cousins' ā ko tāna, ' E whakamiharo ana au ki ngā mahi i oti e ngā wāhine Māori nei, ki taumata kē'

Hei te tua whā o Māehe ka tū te pō whakaputa i te kiriata nei, ka puta ano hoki ki ngā whare pikitia huri noa i te motu hei mātakitaki mo te katoa.