Me tuku whare reti mō te utu ngāwari noa ki ngā whānau kāinga-kore, koirā te whakatau ake a Danny Leaoasavii, he kaipupuri whare. Kei te āwhina ia i tētahi whānau takiwaru i Te Puea Marae rā e noho ana, me tana wero ki kaipupuri whare kē, kia whai atu i tana tauira.
Tōna tikanga, e whakatika ana te whānau Leaosavaii i tō rātou kainga hei whare reti mō te mākete, engari, ināianei, ka nuku kē mai tētehi whānau takiwaru i te marae o Te Puea.
Hei tā Danny Leaoasavaii, “Te Puea marae took the first steps, and just highlighted to all of us, that there's a big problem there. We got space. I spoke with my wife and she said yeah, why not you know.”
Mā Danny te whare e whā ngā moenga ngāwari noa te utu nei e reti, hei kainga raro poto, kia whiwhi rā anō te whānau ki tētehi kainga koporeihana. E akiaki ana ia ki ngā mea e tāea hoki.
“They're a Māori organisation, but the people they open up to, you know they got Pacific Island people, that's my people in there you know, and so the response needs to be together.”
Tōna ono wiki nō te puaretanga i te marae o Te Puea ngōna kuaha ki te āwhina i te hunga pōkaikaha, mai i taua wā, e whā tekau mā ono ngā aromatawaitanga, ka mutu, e rua tekau mā whā ngā whānau kua whiwhi kainga raro poto, motuhake rānei.
Ka wātea te whare mō ngā marama e ono ki ngā whānau i Te Puea, Wheoi, ko tā Danny, me kaha ake te tū a te kāwanatanga ki te āwhina.
“It's about our kids and if we can't provide a future, with safe housing or shelter, it's like what are we doing as a country, it falls on the government. I think they just need to open the eyes.”
E matapae ana ka nuku te whānau ki te kainga nei āpōpō.