“Me kapi i nga kētī o Aotearoa” Te karanga a Hone Harawira, Māngai mo te rōpū Tai Tokerau Border Control e whakaaro nui ana ki ngā kaumātua me ngā kuia me te kuhunga mai o te mate urutā ki te hāpori ehara mō Te Tai Tokerau ānahe nei, hoinō, hei ko tāna “Mo ngā kaumātua me ngā kuia o te motu”.
Kua hoki anō a Tāmaki Makaurau ki te noho taratahi, noho here ki te kāinga mo te mate urutā taumata ōhiti tuatoru, engari anō te motu ka noho noa iho ki te taumata ōihiti tuarua.
Nō te ata pō o te Mane i tū ngā ārai whakatū waka ā ngā Pirihimana ki te huarahi matua ki Te Hana, he tāone iti e waru tekau mā rima ngā kiromita ki te raki o Tāmaki Makaurau. He ārai tēnei e aukati ana i ngā tāngata whakawhiti rohe mai i Tāmaki Makaurau ki te Tai Tokerau.
Hei ko tā Hone Harawira “Ka haere atu te rōpū TBC ki te kite e pēhea ana ngā mahi, ki te āwhina hoki i a Ngāti Whātua”
Hei āpōpō ka whakatauhia e te rōpū Tai Tokerau Border Control mēnā rānei ka whakatūria ngā wāhi aukati waka ki te Tai Tokerau whānui tonu.
