Kua whāia e te kiriata a Taika Waititi, arā e Hunt for the Wilderpeople te iti kahurangi mō ngā hoko tīkiti mō ngā kiriata nō Aotearoa, ki Aotearoa. I tōna whakarewatanga ake, koia kei a ia mō ngā hoko tīkiti o ngā kiriata o Aotearoa i taua wiki. I tēnei wā, kua eke kē ia ki te tūnga tuarua o ngā kiriata katoa mō te hoko tīkiti.
Neke atu i te whitu miriona, rima rau mano taara, te uara o ngā tīkiti kua hokona atu mō te kiriata tuawhā ā Taika Waititi , Hunt for the Wilderpeople.
Ko tā Celina Tamou, Duty Manager, Focal Point Cinema Hastings, “It's a very, very popular movie...at the moment we've been selling if not selling out we've been in our hundreds.”
Ko te pūtake o te kiriata, kei te rapua he tamaiti whāngai me te matua kēkē whāngai kei te puihi e ngā mana whakahaere. Ka rangona ngā kōrero whakatoi maha i taua kiriata.
“All the jokes you kinda get because their kiwi ones and it's really easy to understand and their not like hidden jokes their quite out there and funny.”
“It was pretty mean, like probably the best movie ever.”
“There's nothing wrong about it besides the swearing.”
“Now what would you give it out of 10? Oh, ah, probably a 9.”
Kei muri tenei kiriata i a Boy, kei te tūnga tuatahi tonu. He iwa miriona taara neke atu kua taipu i a Boy ki te tari kiriata o Aotearoa.
Kei ngā whare pikitia kōtahi rau neke atu e whakaaturia ana te Hunt for the Wilderpeople. Hei te rua tekau mā ono o tēnei marama ka whakamānu ki Ahitereiria, hei tērā marama timata ai ki Amerika.
