Nō te rā nei whakahaeretia ai te tū tira whakamānawa ki te kapa Āwhiowhio me tā rātou toanga whakataetae ngaio tuatahi rawa ki te pokapū o Te Whanganui a Tara. E whakapaetia ana he koni atu i te tekau mano ngā tāngata i tae ā tinana atu. Ā, e whakamomori kē ana te ope o Pōneke kia tōaitia ēnei toanga ā rātou hei tērā tau.
Pāoro mai ana ngā whakamānawa ki ngā Āwhiowhio. Kua puta tana ihu mō te wā tuatahi i ngā tau rua tekau mā tahi tonu.
“Oh it's good. It's good to finally win a final for once, and do it for our loyal Wellington fans,” hei tā te paehau o te kapa Āwhiowhio a Cory Jane.
Tōna tikanga ka tū tēnei o ngā tū tira whakamānawa inanahi, engari rā ia, muia tonutia ko ngā tiriti o Te Whanganui a Tara i te rā nei. Mā te aha i te tatari i te kotahi rā anō, kua rua ngahurutau ngā iwi o kōnei e tatari ana.
“A lot of people have won a championship once and for us it's awesome and we're loving it and we're going to enjoy this but it's only the start for a group that wants to achieve more,” said hei tā te poutoko o te kapa Āwhiowhio a TJ Perenara.
Inā rā te taiea o te kōrero mō tēnei o ngā kapa, i patua rawatia i te wiki tuatahi o te tau tākaro. Ā, ināianei kei te whiti mai te rā.
“It feels good to be out here with our fans as well. So it's sweet, it's a special occasion,” hei tā tepouwhitiki o te kapa Āwhiowhio a Matt Proctor.
“Kind of overwhelming, but it's all goods,” hei tā te poutahataha o te kapa Āwhiowhio a Isaia Walker-Leawere.
“So happy we could give them something to celebrate and be happy about,” hei tā te poutahataha o te kapa Āwhiowhio a Ardie Savea.
Āe mārika, e tū tira ana ngā apataki ki te papa o Civic, nā runga anō i te reo pōhiri a te kahika, a Celia Wade-Brown.
Ki mua o te aroaro o ngā apataki tekau mano e whakapaetia nei.
