I angitū te kapa NZ U20 i tā rātou tukinga ki te kapa o Ireland

Rahia Timutimu
I tīmata te toki kaitākaro Hurricanes, a Otere Black, i tana tukinga tuatahi mā te kapa rua tekau tau heke iho o Aotearoa, i tā rātou tukinga ki te kapa Airani i te tukinga whakamutunga o te puna tākaro ki Itarī i te ata nei. 
 
Ko Black tētahi o ngā kaitākaro tekau mā rua hou i te aro ā kapa, ā, i turakina te hoariri, rua tekau mā rima piro ki te toru.
 
Ko Aotearoa te reo tuatahi i rangona i tēnei tukinga.
 
Heoi, ko Airani kē te kapa i whiwhi i ngā kaute tuatahi o te tukinga.
 
He whana hāmene toru tekau mita te tawhiti tā Airani i eke ai.
 
Hēoi, koirā noaiho te wā i kitea ai ngā kaitākaro kākāriki e whai hua ana.
 
He kuru ki te paehau tā Otere Black kia tuku a Tevita Li i tana tira ki mua.
 
Ā, i whakāroatia taua arahi mā ngā piro e ono, nā ngā whana hāmene e rua a Black
 
I whai a Tevita Li i tana piro tuarua o te tukinga, i raro tonu i ngā pou.
 
Me te tata piro anō a Aotearoa, engari, auare ake.
 
Nā wai rā, he hua i te wā tuarua, whai muri i tētahi kakari pakari a Aotearoa.
 
Ā, i piki anō ngā kaute i tēnei whana turuki.
 
Kia mutu ngā tatau i te rua tekau mā rima ki te toru. Inaeanei ko Wiwi te hoariri i te whiringa whāiti ka tū hei te Rātū e whai ake nei.