I eke pakunu a Taniwharau i te kēmu ki a Tūrangawaewae i ngā rā okioki

Rahia Timutimu

Nā Rikki Harrison te piro tuatahi o te tukinga i whakaeke, i whai hua nā tētahi hapa a Taniwharau.

Heoi i hoki mai a Taniwharau me te whai a Te Ranginui Taoho i tēnei piro, kia ōrite ai ngā tatau.

Nā ngā mahi a Harley Raihe i tuku whakamua ai tana kapa ki mua, i turaki aia i ngā kaiārai tokotoru kia whai piro ai i raro tonu i ngā pou.

Nā te mahi tahi a te kapa i whai hua ai a Taniwharau i tēnei piro papai rawa.

I te whiti mai a Tamanui-te-rā ki ngā kanohi a Tūrangawaewae, koinei tētahi take i hapa ai te kapa, ā, ngāwari noa mā Taniwharau ki te wāwāhi i te taha ārai, kia ārahi ai i te wehenga rua, he toru tekau mā waru ki te whā ngā tatau.

I pērā anō i te wehenga rua, i wāwāhia anō te ārai kia whai piro ai.

I whai a Tūrangawaewae i tā rātou piro tuarua i mua i te tangi o te wheo whakamutunga, heoi he tū reiti rawa, wikitōria ai a Taniwharau i te otinga, he iwa tekau mā rua ki te waru ngā tatau whakamutunga.

Hei tā Harley Raihe o Taniwharau, "Ahakoa te tatau whakamutunga, uaua tonu te kemu, he pakanga nui i ngā wā katoa i te wā ka tūtaki mātou i ngā whānau o Tūrangawaewae."