Ki Te Taitokerau, karahuihui atu ai ngā kai-kake hoiho mō te whakataetae Five Nations Mounted Games.
Ki ētahi o te hunga nō tāwāhi, koinei te wā tuatahi kua tau ō rātau waewae ki Aotearoa, ā, i kōrero mai rātau ki Te Kāea mō te nui o te aroha kua puta ki a rātou i te hau kāinga.
I waenganui i te mātotoru o te hunga kua tae mai i tāwāhi, he kanohi Māori hoki i uru ki te whakataetae. Ko Mauhana Babbington nō Ngāti Tūwharetoa tētahi o rātau.
Kua wamaria ngā manuhiri i ngā ringa manāki o te iwi.
Hei tā Alex Franklin, “Kua tae tawhiti mai ahau i Ingarangi. Kua tākohatia mai e te haukāinga ētahi hoiho mā ngā kapa, mā ngā kaitākaro takitahi hoki.”
E mārama ana te kite, e whakamīhia ana te hunga pukumahi nā rātau tēnei kaupapa-ā-tau i whakaara ake, i whakarite.
E ai ki a Mere Kopa, "Tino pai ki te mahi mō ngā hoiho, mō ngā iwi, mō ngā mahi whānau i tēnei wiki, tino pai rawa atu."
Tua atu i ngā kēmu, i whai wā hoki te iwi haukāinga ki te heri haere i ngā kapa ki ētahi o ngā tino wāhi o roto o Ngāpuhi.
Hei tā Mauhana Babbington, “Kua rata katoa mai te hunga nei ki ēnei mahi. Kua haere tātau ki ētahi wāhi pēnei i Hokianga, i Tānemahuta hoki.”
I tēnei te whakataetae whakamutunga o te tau, ka whanga mai ēnei kai-kake hoiho ki ngā hua o te tau hou.
