I maumaharatia te hunga kua whetūrangitia i te whakataetae Pā Whutupōro o Whakatāne

Taroi Black

Ko te matenga a te whetu pā whutuporo a Tara Brown te kaupapa a te kapa a 2 Sharp i te Tonamana Pā Whutuporo o Whakatāne.

I roto i tōna tau toru tekau ka pupu ake hoki ētahi atu whakamaumahararanga mo ngā toki, nā rātou nei i para i te huarahi.

Mo ngā hoa me te whānau, kei te kaha tonu te mamae whai muri i te kohurutanga o Tara Brown i tēra tau. 

E tiro whakamua ana te toki mai i te karapu 2 Sharp ki tēnei tauwhainga ruamano tekau mā ono i Whakatāne. Heoi ano ka hopukina atu ia i te ringa o aitua i a ia ka kohurutia e tona hoa tāne o-mua.

He maha noa atu ngā whakanuitanga mo nga toki o te āo whutuporo, ko rātou i whakakanohi mai ki enei papa tākaro i nga tau ki muri. E whakamaharatia ana tonu a Jonah Lomu rāua ko Jerry Collins mo ta rātou hāpai i te hapori whanui o te whutuporo.

Kei te kaha hoki te whakataetae i Whakatāne i tēnei tau i roto i tōna tau toru tekau. Heoi ano ko te kotahitanga me te mahitahi te tino o te kaupapa.