I panoni te kōmiti ō Te Ahurea i ana ture kia ōrite mai ki te ā motu.

Tema Hemi

E whakahāngai ana te whakataetae o Te Ahurea Tino Rangatiratanga i tōna ture kia rite ai ki tā te motu.  Koinei tā tētahi o ngā kaiwhakahaere whai muri i te panonihanga ture e aukati ai te kuhu o ngā kapa taumata tuatahi o Polyfest ki ngā whakataetae ā-motu mā te kuaha o Te Ahurea.  

He wairua hīkaka, he wairua hihiko e rere ana engari mō ētahi nā te panonitanga ā ture e kore ētahi e koke whakamua ana ki te whakataetae ā motu. Nā te panonitanga i te ture e kore ngā kapa ō te taumata tuatahi o te ASB Polyfest e whai wāhi atu ki te whakataetae ā motu mā Te Ahurea. Ko Te Kāreti ō Rutherford tētahi kura taumata tahi o Polyfest kua whai urunga mā Te Ahurea. Kāhore rātou i te tū āpōpō, Ko tā Hammond, kei te pūkatokato te aroha mō te hunga ka tāmo.
 
 

Source: Māori Television Website

Ko tā tēnei o ngā whakahaere o te kaupapa he pouako kapahaka hoki ā Hammond Matua, "Ki te kore e eke tō kapa ki te whakataetae ki te ASB kua wātea anō tō kapa ki te whai turanga mai i tenei kaupapa, kaore i tino kitea koina i ara ake i roto i ngā tau e rua e toru pea ki muri, kaore e tino kitea i tēnei tumomo raruraru heoi i puta te kōrero ā motu nei, me te tika. Haunga anō te rahi ō ngā kapa ō Tāmaki nei me whakaritea he kaupapa nei kia hāngai pū ki ngā whakanekeneke ō te motu, nōreira koira te titiro a Te Ahurea i runga anō i ngā ture i whakaritea mai e te ā motu e te kāhui ā motu."

He āwangawanga tō Matua mō ngā kapa kaore i eke ki ngā taumata, anei ko tāna, "Ko te mamae pea, ko te uaua pea, e kore pea e kitea ērā kura e hoki mai ana i ngā kaupapa pēnei ki tēnei ki rā, hēoi mehe hoki mai e hoki mai ki te whakanui i te kaupapa."
 

 Source: Māori Television Website

Ka tūwhera ngā kēti hei te haurua mai te whitu karaka i te ata āpōpō, ko Te Kura Māori ō Ngā Tapuwae te kapa tuatahi. Tēna mātakitaki mai ki te pāpāho arorangi ā Whakāta Māori mā tō mātou whārangi ipurangi, whārangi pukamata hoki.