Kāti, i te whare pāremata tatū atu ai tētahi hīkoi atu anō mō tēnei take, ā, ko ētahi mema pāremata o mua hoki ērā i whai wāhi atu.
Ae ko te pakanga a te iwi moemoea i te aroaro o te whare pāremata o Aotearoa.
Ko ngā mema pāremata o mua hoki i rongo i te karanga, ā, ko te wero kia tautoko te kāwanatanga o Aotearoa i ngā take mana tangata katoa pēnei i tēnei.
Hei tā Hone Harawira, “Mēnā e kore koe e noho tonu e tiaki i tēnei kaupapa ahi ka taro ake te wā mā tētahi atu e tāhae i tō whenua, nōreira tāku ki te iwi moemoea, kia tūpato!”
I tatū atu hoki te hīkoi ki te kainga o te māngai kāwanatanga o Ahitereiria i Pōneke.
Kāti, i ngā hīkoi e whakahaeretia ana i Aotearoa, i Poipiripi Ahitereiria te kaiārahi-takirua o te Pāti Māori a Marama Fox mō ngā whakatutunga puehu ki reira.
Hei tana anō i ngā niupepa o Ahitereiria i tēnei rā i te whakaarotia anō ana tēnei take e te Peremia o Ahitereiria ki te Uru, heoi, he whakaaro noaiho i tēnei wā.
Hei te waenganui tau whakamanatia te whakatau a te kāwanatanga o Ahitereiria
