I tohaina te kapa Warriors i ngā koti ārai marangai ki ngā tamariki o Pōneke

He whakangā tā te kapa Warriors ki te whakataetae rīki NRL, heoi ehara i te mea ka whakatā rātou i tēnei wiki, i haere te kapa ki Te Whanganui a Tara ki te whakatītina i tā rātou tukinga ka tū ki Te Whanganui a Tara ki te kapa Dragons hei te tuawaru o ngā rā o Hereturikōka

Koinei te wā tuatahi o te tau, tākaro ai te kapa ki Te Whanganui a Tara, ā, ko te tikanga ka tae atu te tini me te mano.

I haere hoki rātou ki te kura o St Bernadette i te rā nei, e tohaina ana i ngā momo koti ārai marangai ki ngā tauira, he whakaaro kei raro i te maru o "Raincoats for kids", he rautaki kei waenga i te kapa Warriors me KidsCan.

He mea whakahirahira hoki mā Ben Matulino i hoki atu ki tana kura ō mua, me tana harikoa i hoki ia ki tana ake kura, me te whakahoki ki te hapori.

Karekau he tukinga mā te kapa Warriors i tēnei wiki, heoi ka whakareri rātou mo te tukinga ki te kapa Knights ka tū ki Mt Smart hei tēra rā whakangā.