I tū te tāne i whakapaetia nāna a Joe Collier i whakamate, ki mua i te aroaro o te kōti

Ko te tāne e 34 tau te pakeke, e whakapaetia ana nāna a Joe Collier i kōhuru ki Ōpōtiki i te Rātapu, i tū ki te aroaro o te kōti ā-rohe o Rotorua i tēnei rangi.

Ka haere ake tana whakawākanga hei te tuaono o Here-turi-kōkā ki te kōti i Tauranga. Kua tau atu te tūpāpaku o Joe Collier ki tōna whānau inaeanei, ā, ko te hiahia kia kawea atu te taonga o mate ki te whare herehere o Rangipō kia tangihia ai e tōna pāpā, i mua i te whakahokitanga atu ki tōna Marae ki Rotorua. 

E tū tonu ana te mokonaha mō te ingoa o te tangata kua whakapaetia nāna a Joe Collier, tērā nō Opotiki i kohurutia i te pō o te Rātapu kua hori, hēoi i te rangi nei ia tau atu ai ki mua i te aroaro o te kōti a rohe o Rotorua mo te wā tuatahi

He tokowhā atu ano kei raro heitara mō ētahi atu haranga i hua ake i ngā mahi whawhai i taua pō tonu, ki Opotiki.

I kō tata atu i te whare i mate ai a Joe Collier, he whawhai ke i pupū ake, a, e toru ngaa tane i tau atu ki mua i te koti a rohe o Whakatane mō ngā whakapae patu i runga i te whai kia whara ai te tangata, a, ko tētahi atu anō kua uhia ki te heitara tuki tangata ki te waka.

I kawea atu te tuupapaku o Joe Collier ki te whare herehere o Tongariro Rangipo i tenei raa e tona whanau, i raro i ngaa whakaaetanga o te Mana whenua o Ngāti Tūwharetoa, kia poroporoākitia e tōna pāpā, he mauhere ki roto i taua whare herehere rā.

Kua whakahokihia atu te tupapaku o Collier ki tona takotoranga whakamutunga.