I tū te whakataetae kapa haka kura tuarua ā-rohe o Te Tairāwhiti

updated

I tū te whakataetae kapa haka kura tuarua  ā-rohe o Te Tairāwhiti mō ngā rōpū hei kanohi i tēnei rohe ka haere ki ngā whakataetae ā motu ka tū ki Heretauranga hei tērā tau kei te wānanga tonu.

Pūkākā ana te taumata o te kapa haka.

Hei tā Taina Ngarimu, “Ka kore mātou i ngā kaupapa pēnei anō nei te mea kei te whakawarewaretia atu a rātou mahi.”

Ki tā Tapunga Nepe, “Kei hea he kaupapa i tū atu, i ngā mahi a rēhia, a Tānerore e whai wāhi ai te hunga rangatahi, taiohi ki te whakaputa i o rātou taha Māori.”

I tēnei rangi whakatau i te tahua pūtea hōu a te kāwanatanga, i Te Tairāwhiti nei, ko te kōrero nui, me kaha ake te tautoko ā-pūtea i ēnei tūmomo huihuinga.

E ai ki a Derek Lardelli, “He pūtea tautoko i te kaupapa i ngā hapori, i ngā iwi, koina te kaupapa o te pūtea, whāngai ki ngā kapa ki ngā hapori hei awhi i a rātou.”

Ki ngā kaihaka taiohi, ko te whakaatu i wā rātou kōrero me te whakakanohi i o rātou tīpuna o tēnei rohe te mea nui.

Mō Te Tairāwhiti rohe, e whakapae ana ratou ka eke panuku, ka eke paneke nga kapa ka tukuna e ratou ki ngā whakataetae ā motu hei tērā tau ki Heretaunga.