I tū te whakataetae takaro o AIMS mō ngā tauira kura takawaenga ki te Waiariki

Mā te whakataetae takaro o AIMS ka ahei ngā tauira o ngā kura takawaenga ki te rawhiti o Te Waiariki kia whakataetae atu takitahi, takiropu rānei rātou ki ngā kaitakaro matanga ki roto i a ratou reanga mō ngā hakinakina tekau mā ono.

Kua piki ake te hunga e uru ana ki te whutupōro tokowhitu ki te kaupapa hākinakina o AIMS.

Na Sport Waiariki, Ngā Kura takawaenga ki te uru o Te Waiariki me te kaunihera o Tauranga te kaupapa AIMs e whakahaere. Ka āhei ngā tauira i roto i ngā tau tekau ma tahi, tekau ma rua me te tekau mā toru ki te takaro whakataetae atu takitahi, takiropu rānei ki roto i ngā takaro tekau ma ono te nui. 

I tēnei rā koinei te wā tuatahi kua whakauru te kura nō te rawhiti o Te Waiariki a Te Teko ki roto i te wahanga whakataetae whutupōro tokowhitu o te whakataetae.

E ai ki a Judith Karaitiana, “Ko ngā hua kia tautoko mātou i ngā tamariki nei, me ōna akoranga ki te hākinakina.”

Kei te tūtaki a Te Teko ki te kāreti o Hato Paora, ā, kāre e roa ka tae a Teko ki uta.

Ka kaha te heke o te ua, ko Te Teko i toa, rua tekau mā rua ngā tatau, te kāreti o Hoani Paora korekau.

Ki tā Te Whetu Waratini, “He tino hōnore tēnei mo mātou i tēnei tau te wā tuatahi kia uru mai ki tēnei o ngā whakataetae hākinakina, ā, tino harikoa, ā mo ngā tamariki katoa.”

Ka whakanuia e Te Teko tā rātou toahanga nā reira ka whai wāhi rātou ki ngā whiringa whakamutunga. Ko tā rātou hoariri ko te kura takawaenga o Maunganui.