Kei te mānukanuka tonu a Leon MacDonald mō te hunga i tomo poka noa atu ki tōna kāinga i te ata o te Rātapu.
I tauaro te kai-tākaro Ōpango, Ōpango Māori ō-mua hoki ki ngā kaiwhānako tokorua i tōna kāinga, engari nō muri noa atu ia ka kite atu, tekau mā rima o ōna poraka whutupaoro ā-ao kua whānakotia.
Ko tā te ika-a-whiro nei o ngā tākaro whakamātautau e rima tekau mā ono, he whakapā kotahi atu ki ngā pirihimana o Wairau.
E whakapāetia ana he rangatahi te tokorua, ko tētahi he Māori, ko tētahi he pākehā, he whakarei ihu tōna.
Ko ngā poraka i whānakotia, ko ōna poraka Ōpango me nga poraka i tākohatia ki a ia e ōna hoariri ō whenua kē. Mehemea he kōrero tā tētahi, tēnā whakapā atu ki te whare pirihimana o Wairau.
