I whakanoahia ngā poraka NZ Sevens i Pōneke

Nō te ata hāpara nei i takina ngā karakia ki te whakanoa i ngā poraka ō te kapa Takiwhitu Tāne o Aotearoa ki te marae o Pipitea, Te Whanganui-ā-Tara. He whakamānawatanga e mihia ana e te toki Māori nei a Gillies Kākā, kaitākaro takiwhitu tāne. Hei tāna, he āhuatanga whakamīharo, whakarangatira i te Poraka o Aotearoa.   

He ata whakahirahira tēnei mō te kapa Takiwhitu Tāne o Aotearoa, ā, i riro mä Gillies Kākā te whaikōrero e whakataki.  

E ai ki a Kākā, kua rite te tīma mō te whakataetae Takiwhitu o Te Whanganui-ä-Tara e kainamu mai nei. Ko Whītī te hoariri tuatahi.  

Nō te kapa Takiwhitu Wāhine anō te whiwhi, kua whakaritea he tukinga whakaaturanga, hei te ahiahi o āpōpō.

Ko ngā kaitākaro o te kapa parawhakawai nei, he toki nō te tira Aotearoa, otirā, nā te kaiako matua o te tīma tāne i whakahaere i ngā mahi whakaharatau.  

Nō nanahi nei i whakakotahi atu te tīma Takiwhitu Wāhine ki Te Whanganui-ā-Tara, hēoi e whara ana te kāpene a Huriana Manuel.

He tekau mā rua katoa ngā kaitākaro wāhine ka tohua mō te whakataetae ki Atlanta hei te tekau mā rima ki te tekau mā ono o tēnei marama.