I whakarauika atu ngā kura tuatahi toa ki te whakataetae whutuporo haki ā-motu

Ko te mana ā-rohe kei te kawea ake i Te Whanganui ā Tara, i te rā nei.

Ko ngā kura tuatahi toa e rua tekau o te motu i whakarauika atu ki te tātāwhāinga whutupōro haki tuawhā ā-motu. Me te aha, he āhuatanga rerekē anō i kitea, i tēnei tau.

E pakanga ana ngā kura rua tekau pai ake o Aotearoa i Pōneke i te wiki nei, ā, e pīkau ana rātau i te mana o tētahi kapa ka puta ki te ipu o te ao.

I kapo ngā kapa katoa i tētahi ingoa i tētahi pōtae. Kua puta Te Kura Kaupapa Māori o Whakarewa i te reo ki Tūwharetoa, ko rātau e whakakanohi ana i a Wēra.

Hei tā Akuira Walker, “Kei konei ngā pūkenga o te motu i tēnei tū kēmu.”

Nō te kura tuatahi o Te Ākau ki Papamoa te waimārie ki te kapo i te īngoa o ngā All Blacks.

E ai ki a Tane Bennett, “Katahi anō mātau ka mutu i te whiringa whāiti ki a Whakatū. Ahakoa i hinga mātau, haikoa tonu mātau.”

Ahakoa kāore i toa i a Aotearoa te kapu o te ao o Pōneke, ko te wawata ka toa i a rātau te kapu o te ao o Ingarangi.