Kua whakarauika mai ngā tāngata rua rau mo tetahi kaupapa omaoma hei whakamaumahara i te kaioma i mate, a Jo Pert. I mate a Pert i tērā atu wiki i a ia e omaoma ana i Remuera, heoi ko te karanga a te hunga omaoma o Tamaki Makaurau ki pakari te tū ki ngā tiriti.
E tuohu ana ngā mahunga o enei kaioma hei tuku mihi atu ki a Jo Pert, i mate ohorere i tērā wiki i a ia e omaoma ana.
E ai ki te kaiwhakarite a Lydia O'Donnell, he pērā ki te nuinga o enei kaioma, kaore ia e mohio ana ki a Pert, engari i whakaaro ia ki enei mahi whai muri i tana matenga.
I whakawhiu tetahi tangata no Mt Roskill, he rua tekau ma wha ona tau, mo te kohurutanga o Pert. E ai ki etahi kaioma nei ka whai kaha te hunga wāhine i nga mahi i te rangi nei.
E manako nui ana a O'Donnell kia haere tonu tenei kaupapa 'Run For Her' kia whai tu pakari ai ngā wāhine ki o rātou ake hapori.
