Hei ēnei rangi okioki te whiringa toa Super Rugby ki waenga i te kapa Hurricanes me te kapa Highlanders.
Hei te ono karaka a te po nei ka tae mai te kapa Highlanders ki konei, anō hoki kā tae mai o rātou kaitautoko.
He paku ua i heke mai i te rangi nei, me te kaha pupuhi o te hau makariri, engari kare he aha ki ngā kaitautoko ko te aronui ki te kēmu te whainga nui.
Ā kāre pea he tāngata harikoa ake i tētahi tokorua i tutaki ki au i te rangi nei.
Nana noa ana te kohara ki ngā Hurricanes i te taone nei, kua horapa hoki ki tāwāhi.
Engari te āhua nei kua tae mai a Tereora Tuaeu me Geoff Stevens me o rātou kākahu noa.
E ai ki te tokorua nei ka pau katoa i a rāua te kaha ki te whiwhi tīkiti ahakoa te aha.
Ā ahakoa kaore a rāua tīkiti e harikoa ana rāua ki te tutaki i ngā tokinui, e whakarite ana mō te Rāhoroi.
Engari i whāki atu mātou o Te Kāea ki ngā kaiwhakahaere o ngā Hurricanes ngā kōrero e pā ana ki a Tereora rāua ko Geoff.
Kātahi kā huri te tai, me tō rāua tino mihi ki ngā Canes.
Kāre e kore ka kite te tokorua nei ki te tukinga nui ki te Tini Keke hei te Rāhoroi.
