I whakatahangia te Kāwana he pūtea hei whakaara ake i te hāpori o Ruapotaka

Na te Kamupene Whakaāra Hapori o Tāmaki, te Kāwanatanga me te Kaunihera o Tāmaki Makaurau i whakatō te kākano kia hua ake ai he Kura Kōhungahunga mo te Kura Tuatahi o Glenbrae, he whare hēteri mō ngā taiohi, me ngā kainga hou, e 32.

Hei tā Hemi Pene, “He kainga nei hoki a ngā whanau nei hoki katoa, i whakatakahia mai ra wenei o te karauna, ngā kaurauna nei hoki katoa i whakamahiangia tika mō rātou nei hoki o te iwi i konei.”

I pakaru mai te riri a ngā whanau o tēnei hapori, i ngā marama me ngā tau ki muri, na ngā mahi turaki whanau, tango whare a te Minita, me te aha kei te rangona tonuhia ngā whakahē a ētahi.

Hei tā Hemi, “Etahi nei hoki o ngā rōpū, ngā whānau nei hoki e pukuriri nei hoki ki te Whare o Aotearoa, tena te rikarika a ngā hunga nei kei waho, ko tatou nei hoki he tino māmā noa iho kia rātou, na te mea he whare mō tatou.”

Heoi he timatanga hou e matapaetia ana mō tēnei hapori o Ruapotaka, ā me aro whakamua te titiro, ki te orangatonutanga o ngā tamariki mokopuna me o rātou whānau.

Kua whakatahangia e te Kāwana he pūtea neke atu i te iwa miriona taara i roto i ngā tau e toru, hei whakaāra ake i te hapori o Ruapotaka, kia anga whakamua, kia kake whakarunga.