I whakatairangatia te reo Māori i te hui whakanui i ngā tīma whutupōro takiwhitu

E rua ngā wā whakangūngū ia rā ia rā mō te nuinga o ngā kapa i te wiki kua pahure, a, he wā whakatā te huihuinga whakanui mā ngā kapa ka tū ki te whakataetae takiwhitu ki Te Whanganui ā Tara. I whakarauika mai te iti me te rahi ki ngā tiriti hei tautoko i tā rātou tino kapa, a, ko Te Taura Whiri i te Reo Maori hoki tētahi i tae atu.

Anō nei he uenuku ahurea, reo hoki i tau atu ki te hui whakanui i ngā tīma whutupōro takiwhitu. Kāore he wāhi i tua atu i tēnei hei whakatairanga i ngā āhuatanga Māori.

Ahakoa he pupuri tohu te mahi a ngā Wīwī, e nganga ana ētahi kaitākaro nō Kenya ki te whakamahi i te reo.

He tohu māngari pea te reo Māori ki te kapa o Kenya, i a rātou e hiahia ana ki te whakahinga anō i a Aotearoa i tēnei tau.

Engari i te rā nei kei tua i ngā whakaaro ō te kapa o Aotearoa, ko te whai whakaaro kē atu ki te āhua o ō rātou makawe me ngā ingoa kärangaranga hōu kua mau nei i a rātau.

Ka timata te whakataetae hei te tahi karaka a te ahiahi o te Paraire