E whakahē ana hoki Te Hāhi Mihingare ki te kauhau a Pīhopa Brian Tamaki. E ai ki te Ātirikina Māori, ki a William Brown Turei kahore hoki ngā hara o te tangata e whai pānga ana ki te rū whenua.
E āwangawanga ana te hāhi Mihingare ki te kauwhau a Pīhopa Brian Tamaki o te Rātapu kua hipa.
E ai ki a Ākipīhopa William Brown Turei, “Te whenua kei runga nei tātou e noho ana kei runga e kī a nei te faultline, nō reira, kāore e kore ka puta te rū. Nō reira kāore au e tino whakaae, nā te hara o te tangata i rū ai te whenua.”
Ka puta te kauwhau a te upoko o te hāhi Te Oranga Ake kei mua i te meninga i te Rātapu kua hipa, i mua i te pā kino atu o te rū wheuna whitu ira waru tōna kaha, i te poutūtanga o te Pōhina.
Hei tā te Ātirīkona o Mataatua a Te Waaka Melbourne, “Nā te kawenata tawhito tā Brian e tiki atu nei. Koira rā wā rātou mahi. Ana ki te huri mai hoki rātou ki Te Atua, kua riro ki a rātou ngā tāngata hei whakatapu i a rātou hei ārahi i te tangata ki Te Atua.”
I kōrero a Pīhopa Tamaki mō ngā rū whenua i Ōtautahi hei whakawātanga nā Te Atua
“He whakawā tō Te Atua, engari he aroha tō Te Atua, nō reira, ahakoa ō tātou whakaaro ki tērā, he wā anō ka puta te tohutohu a Te Atua ki a tātou, engari, ehara i te mea, kua whuia tātou e Te Atua,” hei tā Ākipīhopa William Brown Turei.
“Engari, kua puta mai ko Te Karaiti i tōna i te aroha o Te Atua, kia riro ai ngā tini katoa, kaua ki runga i te whenua, i te rū o te whenua,” hei tā Ātirīkona Te Waaka Melbourne.
He maha nga tono i tukuna ki a Pīhopa Tamaki i te rā nei, engari auare ake.
