Iri ana ngā pātai mo te ngarohanga o te kaiārahi o MANA

E iri ana ngā pātai mo te ngarohanga o te kaiārahi o MANA, a Hone Harawira, i te tirohanga kanohi i ngā rangi tata, e rua wiki noa, i mua mai i te pōtitanga matua. 

Ko te whakahau anō tēra e tangatanga ana te hao o MANA, i ngā whakapae a Georgine Beyer, kaitono mo MANA i te Tai Tonga e mea ana e mimiti haere ana te whakapono a Harawira ki ngā uara o tōna ake pāti, kia puta kaha kē mai ēra o Internet me Kim dot Com mo tā ratau whakaē, whakahē rānei i te turetanga o te Tarutaru.

Heoi i tēnei rā whakapuaki mai ai a Hone ki a Te Kaea, ahakoa ngā whakapae, ū kaha tonu ana ia ki ōna uara, me āna mahi.

Kātahi te wiki rangirua mo InternetMANA, tuatahi, ka puta i tētahi o ngā kaitono o Mana, ōna māharahara mo te huripoka o ngā whakāro a tōna kaiārahi i ngā take tarutaru

Heoi ko te kaituku whakautu ki aua āwangawanga, ko te kaiārahi tuarua, kaua ko te tangata tonu.

Mai anō i taua wā, kaore kia tino kite, kia tino rongo rānei i te kaiārahi o Mana mo te roanga ake o tēnei wiki, nawhai i puta te wero i tōna kaiwhakataetae o Reipa, kīhea ia e ngaro ana.

Heoi ngāwari noa tā Te Kāea whai whakautu i a Hone, ki ēnei whakapae

Heoi mo tā Georgina whakapae e mimiti haere ana te kaha o Hone ki te whakaū ki āna ake uara mo te take tarutaru, kotahi anake te tino wāhanga e whakāetia āna e Internet me Mana, ara ko te aheinga o te tangata ki te whakamahi hei rongoā anake.