He kārangirangi i te otinga o te whawhai a Joseph Parker ki tana hoariri, ki a Alexandra Dimitrenko i te whare tapere a Vodafone ki Manukau. Ko Parker te toa i ngā rauna e toru, i toa mā te TKO. Ko te mea kua whakararu i a Parker, ko tana meke whakamutunga ki tana hoariri, i aia e whakangā ana i tana pona kotahi.
He whakawhiu i tata mō Parker, mēna i whakaae ngā kaiwawao he mahi poka ture tēnei meke. Engari kaore i pēra.
Inapō rā whakanui ai te kaiwhakangungu matua a Kevin Barry i tana kaiwhawhai, mō tana piki ki tana wikitōria rua tekau mā tahi, e whai tonu ana i te taitara o te ao.
Nā tēnei rīkoata a Parker i huaki ai ngā tatau ki te taumata a ao, heoi, ko wai ka tu hoariri hei āpōpō ke whakapuakina ai.
E rua ngā kaupapa hei whakanui mā te whānau o Parker, i te wikitōria a tōna teina, a John ki a Ratu Dawai.
A, i wikitōria hoki te kaiwhakangungu a Parker, a Izu Ugonoh ki tana hoariri, i a Gregory Tony.
Whai muri i ngā rauna e waru o te whawhai super welterweight, i waenga i a Bowyn Morgan nō Tainui me Gunnar Jackson nō Tauranga, ko Morgan te kaiwhawhai i toa mā te taki whakaae.
