Ko te hiahia nui o Ngāti Toa kia whai kāinga whakaruruhau ngā whānau katoa o Porirua.
Ko te kōrero a te heamana o Te Rūnanga o Ngāti Toa, a Taku Parai, "Ko tēnei te tino kaupapa hei manaaki, hei tiaki i te hapori o Porirua. I tēnei taha (te uru) i te tuatahi, ka tae ake ki te wā me huri ake ki reira hei mahi ki tērā whenua."
Ko te matapae, ko te kaupapa hanga whare ki Porirua ka whakahōu i ngā whare rua mano e iwa rau puta noa i Porirua. Ā, ko tōna rua mano hoki ngā whare hōu ka hangaia hei ngā tau e rua tekau mā rima, he whare Kiwibuild ētahi.
E ai ki a Tā Matiu Rei o Ngāti Toa, ko te mutunga kē mai tēnei o te taonga ki tōna iwi
"We will have opportunities to build new homes to bring into the rental market and I think that's a good opportunity for us because there is no doubt that renting and the demand for rentals is going up and the affordability for homes to own is also going up."
Nā te Minita Āwhina i ngā Take Whare, nā Kris Faafoi hoki te kōrero, "We need to make sure they're warmer and drier so that programme will continue over the time that Ngāti Toa are responsible as a community housing provider here on the west but also as we go through the regeneration in the east and the wider programme."
Ko te kōtahi ira rima piriona tāra ka whakatōkia e te kāwanatanga hei whakarauora i te hapori i Porirua ki te rāwhiti, hei whakapai ake i ngā kāinga i te uru anō hoki.
Ā he maha ngā hua ka puta ki te hapori whānui o Porirua.
"Āe hei whai mahi mō a tātou tāngata, me kī hei whakatikatika i ngā whare katoa. Ka hinga te whare, ka pakaru te whare, ka haramai ki ō mātou nei kaimahi hanga whare, whakatika whare, āe koina," te kōrero a Parai.
Ko tā Faafoi kōrero hoki, "As well as making sure that its a warm and safe and dry home, we know that there are issues that need to be managed with some of these families and Ngāti Toa will continue to work with the agencies that do the wrap-around service. We want to make that they are not just in the home but they stay in the home as well."
Kua toka te hononga a Ngāti Toa ki te kāwanatanga, ā e whakaaro kotahi ana kia whai hua ai, kia noho ora hoki ngā kainoho katoa o te hapori.
"Hei hīkoi taha ki te taha, ki ō rātou nei mōhio, ki ō mātou nei mōhio, hiahiatanga, me kī hei mahitahi," tā Parai.
E whakapono ana a Ngāti Toa mā tēnei hononga mahi ngātahi me te kāwanatanga e whakaatu i tā rātou kaha ki te hāpai i te ao Māori, kia tutuki ai ngā moemoeā a ngāi Māori arā ko te whakawhanake hapori me te hanga whare hōu.