Ka aukati te pāhotanga o te hui ohorere a Te Rōpu Whakamana i te Tiriti ō Waitangi me Ngāpuhi

Ko ngā kaitakawaenga o te karauna, ko Jim Bolger rāua ko Tukororangi Morgan i uiuia i te rā tuatoru o te whakawātanga ohorere a Te Rōpu Whakamana i te Tiriiti ō Waitangi ki roto o Ngāpuhi.

Engari nā ngā hapa ki roto i ngā niupepa o te takiwā, ka aukati i te pāhotanga o ngā kōrero ki roto i te hui.

E waru marama i noho ai a Tukoroirangi Morgan hei takawaenga mā te karauna ki roto o Ngāpuhi.  Hei ko tāna, he ngāwari noa iho te rongoa e angamua ai ngā kereme.

Hei tā Morgan, “E hoki ki ngā hapū e hoki ki nga rohe e rima nei.  Ko te oranga o Ngāpuhi kei roto i ngā ringaringa o ngā hapu ki roto I nga rohe e rima.  Mā tēnā e whakatutuki e whakatinana mai i o rātou nā hiahia kaua e waiho ki te poari kotahi.”

Koia e whakawhirinaki atu ana ki te taha o te Karauna hei tā te pirimia o mua a Jim Bolger ehara te whakatau i te tohu o te ngoikore.

Ko te pāpouri a Tuku, kihai te karauna i  maea ki te whakatinana i etahi o ngā tino tūtohu o tana pūrongo kia rātou hei ture whaimana ma te ropu arahi i te whakatatūtanga o ngā kereme o Ngāpuhi āmuri nei.

E ai ki a Morgan, “Ko tēnei mea te police vetting hei whakamatautau i ngā tangata ka noho ki ngā poari, mena he hara tā tērā tangata kaare e taea e ia te waha i te kaupapa.  Me noho mai ki te taha tukuna atu ētahi e taea he tangata harakore.”

Hei te ahiahi tonu nei timata mai ai te wāhanga tuku kōrero a te karauna.