Ka āwhina te Whare Tapere Māori o Te Pou i ngā whānau e pēhia nei e ngā raru

Kua tū mai ngā mema o te Whare Tapere Māori o Te Pou ki te āwhina i ngā whānau e kaha pēhia nei e ngā raru o te wā.

Ki tā Tainui Tukiwaho, tokomaha ngā whānau kei te pā ki ngā raru hia kai, heoi he uaua rawa te huarahi mā rātou ki te whai āwhina i ngā ratonga kāwanatanga. 

Na taua āhuatanga i whakaritea e te whānau o Te Pou kia tuku paihere kai ki ngā whānau e raru ana.