Ka hoki nga tauira o-mua o Tipene ki tō rātou kura

Ko te ara i takahia e te hunga tāne e hia kē ngā tau ki muri, kia puta atu ki te ao mārama.

Ā, kua hoki mai anō ki tēnei kāinga ō rātou, arā, ki Te Poho Tapu o Tīpene.

E hoki mahara ana a Ron Tahi (Tūhoe), 'I konei au mō ngā tau e rima, koinei taku kāinga. I konei i ako au i ngā mea katoa o te mea, ngā āhuatanga kāore au i mōhio.'

Pērā i te tokomaha o ngā tauira o Tīpene, i tae atu a Ron Tahi ki reira mā runga karahipi mai i ngā wāhi iti pērā i a Ruatahuna me Rūātoki.

E ai ki a ia, kua puta mai ētahi tangata rongonui i ēnei kuaha, he āhuatanga e kaha kitea ana e ia mai i tōna rā tuatahi.

"I taua rā, i kite au i tētahi tāne e mau ana i āna kākahu kura.  Kii au ki taku hoa, e ōrite ia ki a tāua, nō te kura.  Ko Jim Nichols taua tāne rā."

I tae atu ngā reanga e toru o te whānau o Hemana Eruera ki te kura nei. 

Ko tōna pāpā te tuatahi, koia te tuarua, ko āna tamariki te tuatoru. 

E ai ki a Joe Harawira, mēna ka huaki ēnei tatau, me whakahōu rātou i o rātou whakaaro kia noho pērā ai.

Hei te marama o Hakihea puta atu te rīpoata a te poari ka whakamōhio atu i ngā whakaritenga a ngā kura e rua, a Tīpene me Wikitōria.