Hei te tau e tū mai nei ka whakaputaina ngā waka pirihimana rua tekau mā waru e te ope pirihimana ki ngā rori o te motu, ko te take he whakaheke iho i te nui o ngā mate.
Engari e ai ki te Minita o ngā take Pirihimana, ki a Anne Tolley, ko te hekenga iho o te pae tere te rongoā mō tēna raruraru.
Hei tā Minita Tolley, kei te mōhio rātou ko te pae tere kē tētahi o ngā take ka puta rānei koe i tētahi aituā.
Hei te tuatahi o Hakihea ki te mutunga o Kohitātea, mā ngā Pirihimana e uruhi i te pae tere, he whā kiromita te tukunga.
I taua wā i tērā tau, he whā rau tekau mā ono ngā tāngata e tino whara, otira e rima tekau mā whitu ngā mate.
Ehara mā ngā waka tautiaki anake e uruhi i ngā ture hōu, ko ngā āpiha puta noa i te motu.
E ai ki te kaikomihana Peter Marshall, mā ēnei ture hōu ka whai oranga te tangata.
"I tēnei te tau rua mano tekau mā toru, me noho te tatau ki te rua rau, heoi ā te wā ka kitea."
Ahakoa ka tū ēnei ture hōu mō te wā poto, mēna ka angitū, ka kaha ake te whai whakaaro a ngā kaitaraiwa ki tō rātou tere.
