Ka mahi tahi ngā iwi me te Kaunihera ki te whakahaere i ngā maunga o Tāmaki Makaurau

E anga ana ngā iwi o Tāmaki Makaurau ki te mahi tahi me Te Kaunihera o Tāmaki Makaurau, mō te taha whakahaere i ngā maunga tekau mā whā kua whakahokia ki ngā iwi i raro i te ture o Ngā Mana Whenua o Tāmaki Makaurau i mana i te rā nei.

Ko tā te pire o Ngā Mana Whenua o Tāmaki Makaurau, he tuku i te mana pupuri me te mana whakahaere mō ētahi tino wāhi whenua o te rohe ki Ngā Mana Whenua o Tāmaki.

Inaianei, ka nui ake te mana whakahaere o ngā iwi ki ngā maunga pēnei i a Maunga Kiekie.

Tekau mā toru katoa ngā iwi ka whai wāhi ki te ture o Ngā Mana Whenua o Tāmaki Makaurau. Ka noho ēnei iwi ki ngā whakamarumaru o ngā rōpū o Marutūahu, o Ngāti Whātua me Waiōhua-Tāmaki

I runga i te mana o tēnei ture, ka piri tahi Ngā Mana Whenua me Te Kaunihera ki raro i te mana whakahaere o te ohu Tūpuna Maunga o Tāmaki Makaurau, nā, e kīa ana hoki ko Ngā Mana Maunga. Ka tau tonu ko te haepapa ki runga ki te kaunihera kia whakahaere tonuhia e rātou te taha ki ngā maunga ia rā, ia rā.

Hei tā Ngarimu Blair, “Mai rā anō ka noho taringa kōwhatu te kaunihera ki ngā wawata o tērā iwi, o tērā iwi o Tāmaki mō ēnei maunga nō reira harikoa ki te noho tahi ki te kōrero ā waha ā tīnana mō ngā wawata o te maunga.”

Hei muri i ngā kowhiringa pōti o te motu, ka tohua ngā mema tokoono o Nga Mana Whenua, ngā mema tokoono o Te Kaunihera me tētahi mema Karauna kotahi ki te ohu Ngā Mana Maunga