Ko ngā rangatahi o Te Hāhi Rātana e tū ake ana hei kaihāpai i te whakapono. He kaupapa ka kaha tautokohia e te hāhi, me ngā kaumātua o Te Iwi Mōrehu.
Kei te whakarite a Rātana mō te huihuinga o te rua tekau mā rima, me ānamata hoki, kua wātea mai ētahi tūranga kaiārahi.
Ko tā te Hēkeretari Tianara o Te Hāhi Rātana, ko tā Piriwiritua Rurawhe, "Ki mātou o te kōmiti matua o te hahi me tō tātou tūmuaki a Harerangi Meihana kia hōatu i ngā mana o ngā mahi ki ngā rangatahi kia whakatūtuki pai ai i ngā āhuatanga katoa o te hāhi o te māramatanga hoki."
E whakatinana ana a Hawea Meihana me ētahi atu i te tongi a Tahupōtiki Wiremu Rātana. "Mā ngā rangatahi hei kawea i tēnei māramatanga ki ngā kapua, mai ngā kapua ki te ao katoa."
Tata ki te waru tekau tau tēnei kuia a Te Aroha McLeod e noho ana ki Rātana Pā, ā, kei te tautoko ia i tēnei kaupapa.
Ka tū te hui rangatahi ā-motu ki Rātana hei te rua tekau mā toru o tēnei marama, ki reira tohua ai tētahi rōpū whakahaere.
