Ka mirimiri pokohiwi te marea ki ngā whetū o te kiriata Born to Dance

Ko "Born to Dance" te kiriata hōu o Aotearoa ka puta ki ngā whare pikitia i tēnei rā, whai muri i tāna whakaaturanga tuatahi ki Tāmaki inapō.

Tērā ngā kōrero honore kua tukuna e ngā kaiwhakawā kiriata nō te hui kiriata o Toronto i tērā wiki, ā, i kaha rangona te wairua Māori inapō.

Mokori anō te whakamiha a Waikato-Tainui ki tā rātou uri.

E ai ki a Tiataharoa Maipi, “Kua ngaro kē ngā kupu, tino hīkaka te wairua nā runga i te (mōhio) kei te mātaki tōku whānau me ōku hoa i tōku whakaaturanga i te pō nei.  Heoi harikoa hoki.”

I mimiti te puna kupu ki ētahi.

Ka whakakanohi a Stan Walker i a Benji, te hoa tata o te kaiwhakaari matua a Tia.  E ai ki a ia he kaha te hononga.

Ko Born to Dance te īngoa, ā, kāore e kore ka kite i ngā nekehanga mīharo.  Ā, ko tētahi kōtiro kei waenganui i te pūrākau, ko Kherington Payne tērā nō California.

Kei ngā whare pikitia o te motu a Born to Dance ināianei.