Ka ngana te kapa Baabaa mō te hemo tonu atu

Kua mutu te tatari, kua tae mai te whiringa tuatahi o ngā whakamātautau Raiona, ā, ko Te Kapa Babaa te hoariri tuatahi.

E mōhio ana te kapa NZ Barbarians he kōtuku rerenga tahi te kite i tētahi tākaro nui ki Toll. Tae atu ki te tangi o te whio, he whakatikatika te mahi. 

Kei te tākaro hoki a Dwayne Sweeny whaimuri i ōna rā ki Hāpani. Ko te tau rua mano tekau, te wā whakamutunga i tākaro ai te kapa NZ Barbarians ki konei, ā i te taha o te hoariri kē ia, arā i te Kapa O Pango Māori. 

Ka tirotrio te ao ki te kaitākaro pitomata nei, ki a Bryn Gatland, ko tōna Matua a Warren te kaiako o te hoariri. Rāua tahi kaare mō te wahapapā. 

E hiahia ana te kaiako, kāpene hoki o ngā Barbarians kia kaha tukituki i ngā Raiona, me te mōhio hoki he mōrearea te tīma nō ngā hau e whā o Piritana Nui. 

Ko te manako pea o te Kapa o Pāngo, ka ruturutua ngā Raiona e ngā NZ Barbarians i te kēmu tuatahi.