Ka nui te tautoko mā ngā kaiwhakataetae Māori i te kaupapa Competenz Pia Patu Mīti

Kei te tukituki nga naihi i te ra nei. E ono ngā pia patu mīti kei te whakataetae mō te taitara Competenz Pia Patu Mīti toa o te motu ki roto o Tāmaki Makaurau.

Anō nei ko tōna naihi, kua whakakoi a Hohepa Smith nō Ngāti Porou rāua ko Vernon Atutahi nō Raukawa ki Wharepuhunga i ō rāua pūkenga, ko rāua ngā uri Māori tokorua o ngā kaitono e ono, e tuki ana rae ki te rae mō te taitara whakaihuwaka a Competenz o te motu, i tēnei tau.

Mō te whānau o Hohepa, ehara tana toa i te toa taki tahi, engari kē he toa takitini

He ngāio patu mīti ki tēnei taumata, nōnā te ao

Hei te pō nei ka mōhio tātaou ko wai ka toa, ko wai ka tūohu i tētehi hākari tuku tohu, engari, ahatia ngā hua, mō tēnei whānau o Hohepa, he toa tonu tā rātou tama.