Pūtake / Photosport
E ora tonu ana ngā whāinga whiringa whāiti a te kapa Breakers whai muri i tā rātou turaki i ngā Brisbane Bullets ki Spark Arena inapō, e 96-85 ngā tatau whakamutunga.
Kotahi anahe tā rātou toahanga i ngā tākaro e whitu ki muri, ā i whai huanga te kapa i te hokinga atu o Scott Hopson rāua ko Corey Webster, e 37 ngā tatau i waenga i a rāua.
Kaare anō kia pēnei rawa te ora o te nuinga o ngā kaitākaro Breakers i tēnei tau, heoi i te korenga pea o RJ Hampton hei ngā wiki tata nā te wharanga himu te take, ka kore te kapa e rite ki tōna āhua i te tīmatanga o te tau tākaro, i kī i ngā toa katoa.
Me nui ake i ngā toahanga torutoru nei kia te hiahia eke atu ai te kapa nō Tāmaki ki waenga i ngā kapa toa e whā kei ngā whiringa whāiti.
I tētahi hui pāpāoho mutu ana te tākaro, ko te kōrero a Tom Abercrombie, he taonga te noho mauritau.
“Just gotta take it one day at a time, you think you have some stability and then its sport and things can change very quickly so we will enjoy it while we can and we will work with who we got and hopefully we do get some continuity and our guys stay healthy."
Ka tākaro ngā Breakers ki ngā 36ers i Adelaide hei tēnei Rātapu 5pm i Spark Arena.
