E rere ana ngā māharahara mō te oranga tonutanga o Te Kaunihera Māori, otira mō tōna mana hoki inā oti ai tētahi arotake mō te ture tūāpapa mōna.
He mea whakarite Te Kaunihera Māori i raro i te Ture Whakawhanake Hapori Māori i te tau kotahi mano iwa rau ono tekau mā rua, ā, nā konā i kōkiritia e ia ngā tono mō te reo Māori, ngā rawa hao ika, ngā ngaherehere, ā, nōna tata nei, ngā tono mō te wai.
