Ka pāpāho ā-tihi te whakataetae Kapa Haka Kaumātua o Te Papa Tongarewa

Photo sourced from Te Papa website

I te taenga mai o te wā o Matariki, e whakanui ana a Te Papa i te kotahi rau tau o te taunga atu o te hunga hoia Māori ki te whanga o Anzac ki Karipori.

Ka tatū mai ngā kaumātua huri noa i Aotearoa ki te papa whakatūwaewae whakaatuatu ai i ngā waiata ā-ringa me ngā haka a te iwi, ara ko ērā i hangā ai i te wā o te Pakanga Tuatahi.

Ka rere arorangi atu te taiopenga Kaumātua Kapa Haka i runga i te paetukutuku o Whakaata Māori i te tuawhā me te tuarima o Hōngoingoi.

Tekau mā tahi nga rōpū ka tatū atu ki te papa whakatūwaewae i roto i aua rā e rua.

Kua wāwahi atu ia ra kia rua ngā wāhanga, a, ka whakapāpāhotia mai i te 10:20 karaka i te ata ki te 4:20 karaka i te ahiahi me te whakatā poto i te poupoutanga o te rā.

Ka whakapāpāhotia atu e Whakaata Māori ngā mahi a te rēhia i te tuatoru o Hereturikoka ki ngā hōtaka e ono e kīa nei He Kura Tangata 2015.

Mō ētahi atu taipetopeto, whakapā atu ki te paetukutuku o Te Papa ki konei.