Ko Mr G he ringa-toi o mohoā nei kua rongonui i āna mahi toi ki ngā papa maha, mai i ngā pari ki ngā hēti, tatū rawa ki ngā ipu wai. Kua puta āna mahi ki te ao whānui, arā ko tōna pikitia o te kaitākaro poitūkohu nō Rotorua a Steven Adams ki Oklahoma, me te pikitia o Prince kei Minnesota, he wāhi e kaha aruarungia rā e te hunga e taetae ana ki ērā taone.
Ināianei kua tonoa a Mr G e te kamupene Farmlands, hei whakatairanga i te ahurea o ngā hapori puta noa i Aoatearoa. Tekau mā rima ngā pakitara o ngā toa hoko o Farmlands ka peitahia e ia, hei whera i ngā kōrero o ngā taone me ngā whenua o ērā moka. Ko te manako a Hoete, mā āna mahi e whakanui i ngā hononga kei weanga i ngā hapori me te wairua o te whenua e nōhia e rātau.
