Ka porotēhi te heamana o Te Poari Whutupāoro Māori o Te Nōta ki ngā mahi takahi tikanga

Kei te porotēhi te heamana o Te Poari Whutupāoro Māori o Te Taitokerau i ngā mahi takatakahi i o tātou tikanga i te haerenga o te kapa Raiona ki tōna rohe tākaro ai. 

E kore te heamana o Te Poari Whutupāoro Māori o tēnei rohe e puta ki te tukinga tuatahi a ngā Raiona a tēnei pō i tana porotēhi ki te poari matua ki o tātou anō tikanga.

Ko tā Moses Cherrington, Heamana, Poari Whutupāoro Māori o Te Taitokerau, "E hoa mā e hē ana tēnā. Ki au nei kia tatū mai te waewae i runga i te whenua ko tēnā te wā o te pōwhiri. E mōhio ana au i pōwhiritia i te airport engari mō konei i roto i Te Taitokerau nei tō rātou taenga mai ki konei ko tēnā te rā o te pōwhiri rawa kē mō te Rātapu."

Inanahi i kāinga oratia te Uniana Matua e ngā matua o Ngāpuhi e pā ana ki tēnei taonga i hōmaihia e te uniana ki te iwi o konei kātahi ka tono kia whakahokia ki a rātou. 

Hei tā Cherrington, "He Māori rātou e mōhio ana rātou ngā tikanga e mōhio ana rātou ngā tikanga o konei o Ngāpuhi must be kao!  Ko te mea kē e raruraru ana i tēnei take. I te wā i runga au i tērā poari e kore tēnei mea e whakahaere."

Hei āpōpō rā anō pōwhiri ōkawangia ai ngā Raiona ki Waitangi engari e pātai ana te heamana o te whutupāoro Māori o Te Taitokerau nō hea kē ēnā tikanga.

E mea ana ka haere mai rātou ka rukuruku mai tō mātou whenua engari rawa kē i pōwhiri mai ki waenganui i a tātou i mua i tēnā.  Nā reira rawa au e whaakaae ana ki tēnei pōwhiri āpōpō.  Anō taku porotēhi e kore au e puta atu te pōwhiri āpōpō.

I whakapā atu mātou ki Te Uniana Whutupāoro o Aotearoa, engari kahore anō kia whakahoki kōrero mai ki a mātou.