Ka rite a 'Big Rig' te eke ki te Whakataetae Whiu Kōpere o te Ao

Kotahi te rā e toe ana ki a Ben ‘Big Rig’ Robb i mua i tana ekenga ki te atamira ki te Whare Ariki o Alexandra, ki reira kōkuhu atu ai ki te tino huihuinga whakaharahara o te hākinakina whiu kōpere. Ka tūtaki tēnei Māori nō Waitahā ki te Tatitati nei, ki a Ron Meulenkamp hei te pō Wenerei (GMT) i Rānana, ā hei tāna, e manawanui ana tana tirohanga atu ki tēnei ekenga nui.

“I’m feeling really good. I’m feeling confident” tāna ki Te Ao atu i London.

“I’ve played on the big stage before, I’m just ready to get out there and have a crack.”

Hei tā Robb, ko te noho tahi ki ngā toa whiu kōpere o te ao, he mīharo.

“Being able to compare the way I practise to theirs has been really good.”

Kaare e tino mōhiotia ana a Robb i te ao whiu kōpere, i te mea, i Aotearoa, i Ahitereiria anō hoki ōna rā katoa hei hautipua. Ko te Whakataetae o te Ao tuawhā kē tēnei mā tana hoariri, mā Meulenkamp.

He mīharo anō, ko tā Fallon Sherrock whai kia tohua ko ia te wahine tuatahi ki te eke panuku i te whakataetae o te ao, ina pakanga atu ia ki a Ted Evetts. E 25 tau te pakeke o te wahine nei nō Ingarangi i mātakitaki i te hinganga o te wahine toa i te ao, a Mikuru Suzuki nō Hapani, e 3-2 i a James Richardson, ā e ū ana te aro kia eke ki te pae o angitu. 

Ka oti te Whakataetae Whiu Kōpere o te Ao hei te rā tuatahi o te tau hōu, ko te toa ka whakawhiwhia ki $1 miriona NZD.